TA 100 STEG OG FÅ EIN VENN

Ta 100 steg og få ein venn er ei sjarmerande novellesamling om vennskap. Boka er skrevet av Erna Osland, og utgitt hos Samlaget. Språket er enkelt, og dei fleste karakterane i boka er barn.

Boka er fylt med fine forteljingar om å møte kvarandre. Hovudfokuset i boka er at vennskap kan oppstå på tvers av kjønn, alder og kulturelle skilnader. Nokre av novellene er korte og poetiske, mens nokre er litt lengre.

Illustrasjonane gjev assosiasjonar til sjømannstatoveringar – vi ønskjer oss alle varige vennskap og å være likt av nokon. Kvar vesle forteljing handlar om ulike situasjonar der nokon møtes.

«Trappetrinn» er eit godt eksempel på typen historie vi finn i novellesamlinga. Det var når eg leste den at eg forstod tittelen på boka. Forteljinga handlar om ein gut som bor på trappetrinn 13. Han vil bli venn med jenta som bor helt øvst i trappa, på trinn 113. Derfor skriv han eit lite brev til ho, som han legg utanfor døra hennar, og ring på. Han spring ned trappa i full fart for å gøyme seg, så smuglyttar han ved døra. I brevet står det «TA 100 STEG OG FÅ EIN VENN». Guten høyr at den øvste døra opne, og han høyr jenta ta det første steget, og så dei neste 99.

Eg syns boka var veldig sjarmerande og vil anbefale den til alle som er ute etter lett lesestoff. Målgruppa er mellomtrinnselevar, men dei sjarmerande forteljingane kan lesast og nytast av alle aldersgrupper.